كيف تتلغب علي الملل في اثناء الدارسه.....

السلام عليكم و رحمة الله و بركاته

هاد يا شباب موضوع منقول وكان بلهجه المصريه وحابيت اخليه بنفس اللهجه لانو انا بحب الكلام المصري

ازيكم يا شباب


مش عارف ليه اليومين دول الساحة واحشاني جدا

و كلكم وحشتوني و وحشتني مشاركاتكم

كفاية كدا لحسن نتحسد
-----------------------------------------------------------

انا فتحت الموضوع دا علشان هنتكلم في موضوع

انا شايف انه مهم جدا

(بعض الطلبة زي حالاتنا كدا مبيعرفوش يقعدوا على المكتب فترة كافية)

دي يعني الشكوى اللي بيقولوها

انا هحاول - بفضل الله - اني اساعد الناس على حل المشكلة دي

الله الموفق

---------------------------------------------------------

اول نقطة : التخطيط

لازم يا جماعة يكون عندنا جدول

مينفعش المذاكرة بالطريقة العشوائية

اللي هي كل ما يكون ليا نفس اقعد اذاكر (عارفينا الحكاية دي )

التخطيط نقطة اساسية و جوهرية جدا

و علشان يبقى كلامي واضح اكتر

هحاول اقرب الموضوع بمثال

هنفترض مثلا ان حد فينا محدد انه يذاكر انهرده محاضرة الفارما الساعتين

و بعدها محاضرة الساعة بتاعة الكوميونيتي

دا مثلا يعني ( )

المفروض بقى ان كل واحد فيا عارف هو يقدر يذاكر اد ايه في الساعة

مثلا بيذاكر 4 صفحات في الساعة

و مثلا محاضرة الفارما الساعتين كانت 8 صفحات و محاضرة الكوميونيتي كانت 5

يبقى الموضوع كدا محتاج 3 ساعات (قشطة )

---------------------------------------------------------------------------------

تعالوا بقى نشوف التنفيذ

هنقسم ال3 ساعات دي

ساعة ساعة ساعة

بلاش ال 3 ساعات على بعض كدا

ذاكر ساعة و بعدين ريح 10 دقايق او ربع ساعة (اللي يريحك)

لان العقل البشري ميقدرش يركز اكتر من ساعة

بعد الساعة تلاقيه يانتخ على طول

و حدد لنفسك وقت معين هتبدا فيه و الوقت اللي هتخلص فيه

----------------------------------------------------------------------------

اخر حاجة

الجملة دي انا قريتها في كتاب اسمه (DOING IT NOW)

Learn to be TOUGH with yourself !!!!!!!!!!!!!!!!!

اتعلم ازاي تكون صلب و قاسي على نفسك

قلنا هنقعد ساعة يبقى ساعة

مفيهاش رجعة

و الله لو قالولي ان البيت بيتحرق حتى مش هقوم (انا بتكلم جد)

خلوها دايما في ذهنكم

دا اول جزء

هتكلم مرة تانية في حاجة تانية